შემდეგი მატჩი

ლივერპული
20.10.2012 (17:00)

VS


Ðåäèíã
წინა მატჩი

ლივერპული
07.10.2012 (17:00)

0 - 0


გუნდი
ლიგა
1 გუნდი 0
2 გუნდი 0
3 ლივერპული 0
4 გუნდი 0
5 Àñòîí Âèëëà 0
ჩ.ლიგა
გუნდი 0
გუნდი 0
გუნდი 0
გუნდი 0
Äàóíèíã 0
Áîðèíè 0
ლიგა
გუნდი 0
გუნდი 0
გუნდი 0
გუნდი 0
Ñòåðëèíã 0
Äàóíèíã 0
მთავარი » 2011 » დეკემბერი » 8 » “დილა” (გორი) - “ბაია” (ზუგდიდი) 5:2 (პირველი მატჩი 2:2)
15:12
“დილა” (გორი) - “ბაია” (ზუგდიდი) 5:2 (პირველი მატჩი 2:2)
http://www.worldsport.ge/imgs/b98b6497-c865-46ea-a8d3-9c58fb14ddac.jpgმატჩის დაწყებამდე "ქართლზე” მისულებს ასეთი სიტუაცია დაგვხვდა. ზუგდიდის "ბაიას” მესვეურები გუნდის მინდორზე გაყვანას უარობდნენ. მოტივი გასაგები და თვალნათელი იყო - მიწა გაყინულია და ჩვენი ფეხბურთელების ჯანმრთელობა, თუნდაც ეროვნული თასის ნახევარფინალში გასვლად არ გვიღირს. საპირისპირო პოზიცია ჰქონდა მასპინძელ მხარეს - ამაზე უარეს პირობებში ვითამაშეთ 1/4-ფინალის პირველ მატჩში, რომელიც ზუგდიდში გაიმართა. კოჭებამდე ტალახში ჩაფლობილ ფეხბურთელებს, სირბილი კი არა, გადაადგილება უჭირდათ. ახლა თუ არ ვითამაშეთ, მაშ როდის? ახალ წლამდე ყველა სათამაშო დღე დაკავებულია. მოკლედ, ვერცერთ მხარეს ვერ გაამტყუნებ.
ჰოდა, ვინაიდან ჩვენი ამჟამინდელი მიზანი მტყუან-მართლის გარკვევა კი არა, გორის "დილასთან” ზუგდიდის "ბაიას” სათასო მატჩის მიმოხილვაა, ამ საქმეს მივყვეთ. შესაძლოა, მომენტების აღწერისას ის ვერ გამოჩნდეს, ვის რა ადგილზე მოუსრიალდა ფეხი, როგორ დაეცა და მოყინული მიწის მიუხედავად, ადგომა და თამაშის გაგრძელება არ სურდა, მაგრამ ჩათვალეთ, რომ ეს ყველაფერი ნაგულისხმებია.
მსაჯთა ბრიგადისა და ფედერაციიდან მათ დამკვირვებლად მოვლენილი ოთარ გუნთაძის (მატჩის დირექტორმა შოთა ხინჩაგაშვილმა გვითხრა, ამ გადაწყვეტილების მიღებაში მონაწილეობა სამსახურეობრივად არ მეკუთვნისო)  ვერდიქტით, თოვლისგან თითქმის გაწმენდილი "ქართლის” მინდორი, ფეხბურთის სათამაშოდ ვარგოდა. კი მართალია, სტადიონი ვიზუალურად 13 საათზეც იმ მდგომარეობაში იყო, როგორშიც 14:05 საათზე (სწორედ ამ დროს დაიწყო 2-ის ნახევარზე დანიშნული პაექრობა), მაგრამ 1/4-ფინალის ჩამტარებლებმა მზეს მიწის "გადნობისთვის” დებულებით მონიჭებული დრო მისცეს და მატჩის მოგვიანებით დაწყება გადაწყვიტეს.
პირველი ხიფათი გორელთა კართან შეიქმნა, როცა ირაკლი ეხვაიასთან კედლის გათამაშების შემდეგ ზვიად სიხარულია "დილას” კიპერთან პირისპირ დარჩა. ბექა შეყრილაძემ იმარჯვა და ბურთი კუთხურზე მოიგერია. "სტანდარტის” გათამაშებისას ბურთი ისევ სიხარულიას მიუვიდა, რომლისგან ცაციათი დარტყმული მცირედით ასცდა კიპერისაგან მარჯვენა ძელს.
ეს მოხდა მე-5 წუთზე, საიდანაც ათიოდე წუთი არ იყო გასული, რომ მასპინძლები ანგარიშში დაწინაურდნენ. ფეხმტკივანი სომხიშვილის ნაცვლად (ყოველ შემთხვევაში, ასე ახსნა შემადგენლობაში ძირითად მეკარედ, მაგრამ ტრიბუნაზე მისი ყოფნა გამოცდილმა კიპერმა) კარში მდგომმა ჯომიდავამ, გოგინაშვილის სახიფათოდ დარტყმული კი მოიგერია, მაგრამ იქვე მყოფმა რაჟამაშვილმა ბურთი ცარიელ კარში გაგზავნა - 1:0.
მე-16 წუთზე სტუმრებს გათანაბრების კარგი შანსი მიეცათ. მარჯვენა ფლანგიდან გუგუჩიას მიერ შესრულებული საჯარიმო დარტყმის შემდეგ ბურთმა კიპერის მოედანზე მყოფ ტყემალაძემდე მიაღწია და შეყრილაძის სწრაფი რეაგირება რომ არა, "ბაიაც” გაიტანდა.
აქიდან ხუთ წუთში, სტანდარტი უკვე საპირისპირო მხარეს, ზუგდიდელთა კართან გათამაშდა. ბურთი საჯარიმოს შუაგულში მყოფ დავით ჩაგელიშვილს მიუვიდა, რომლისგან ჭვინტნაკრავი მეორედ აღმოჩნდა ჯომიდავას უკან მყოფ ბადეში - 2:0.
28-ე წუთისთვის გორელები უკვე 3 ბურთით დაწინაურდნენ. "ბაიას” ახალგაზრდა კიპერმა პავლე ხორგუაშვილის დარტყმული მოიგერია და დამატებაზე, ამჯერად გამოცდილმა რომან ახალკაცმა ითამაშა. არა გვგონია, თემურ მახარაძეს მოძულებული ჰყოლოდა მისი გაწვრთნილები, რომლებიც ასეთ გაზონზე სათამაშოდ "გაიმეტა”, მაგრამ ფაქტი ისაა, რომ "დილას” ფეხბურთელები მეტოქეზე გაცილებით მობილიზებულები და ასე განსაჯეთ, მოტივირებულები ჩანდნენ.
პირველი ტაიმის ბოლომდე, გორელებს იმდენი რეალური საგოლე მომენტი ჰქონდათ, ისინი რომ გამოეყენებინათ, მათი გოლების გრაფაში ორნიშნა რიცხვი იქნებოდა. ყველაზე მეტად ჩაგელიშვილი აქტიურობდა, რომელმაც 3 ნაღდი მომენტი გააცუდა.
მეორე 45-წუთეულში, "დილამ” პირველში დაწყებული საქმე ბოლომდე მიიყვანა. მაყურებელმა სტუმრების (პაჭკორია, ეხვაია) გოლებიც იხილეს, რომელთა შუაში ორი ზუსტი დარტყმა ახალკაცმა და პავლე ხორგუაშვილმაც გაურიეს. მოკლედ, მინდორზე (ბევრი გოლი) და მის გარშემო ("ბაიას”, ალამ და საყვირმომარჯვებული 20-მდე ზუგდიდელი ქომაგი ახლდა, აღარაფერს ვამბობთ მათ გორელ კოლეგებზე) ყველაფერი საფეხბურთო იყო, თავად სათამაშო პირობებისა რა მოგახსენოთ.
ზემოთ ვთქვით, ზუგდიდელებს გარეგნულად საბრძოლო განწყობა აკლდათ-თქო. როგორღაც, დავალებით მინდორზე გასულებს ჰგავდნენ. სხვათა შორის, თითქმის მსგავსი სიტუაცია იყო 27 ნოემბრის საჩემპიონატო მატჩის დაწყებამდე. "გაგრასთან” თბილისის "მერანზე” სათამაშოდ, "ბაია” მაშინაც ნახევარსაათიანი დაგვიანებით გავიდა (მინდორი თოვლისაგან იწმინდებოდა). განსხვავებული მხოლოდ შედეგია - ქომეთიანის შეგირდებმა "გაგრას” 1:0 მოუგეს, ახლა კი 2:5 დამარცხდნენ. ჩვენი აზრით, ფეხბურთი და მისი მაყურებელი უფრო მეტს მოიგებდა, ფეხბურთელებს რომ ხასხასა ბალახიან მინდორზე ეთამაშათ.

მატჩის შემდეგ
ელგუჯა ქომეთიანი:
 "მოხდა ის, რაც უნდა მომხდარიყო. განწყობა იყო ისეთი, რომ გუნდს თამაშზე გასვლა არ უნდოდა. აქედან გამომდინარე, ფეხბურთელები მოშვებულები იყვნენ. შემდეგ ეტაპზე გავიდა ის გუნდი, რომელიც სიძლიერის მხრივ უნდა გასულიყო”.
თემურ მახარაძე: "ჩვენთვის ძალიან მნიშვნელოვანი თამაში იყო. მოგეხსენებათ, სასწორზე თასის ნახევარფინალის საგზური იდო. ამას გარდა, "დილას” სატურნირო მდგომარეობიდან გამომდინარე, ამ წარმატებამ გუნდს იმის რწმენა შემატა, რომ ჩემპიონატზეც ყველაფერი წინ გვაქვს”.

დავით ყიფიანის სახელობის თასი. 1/4-ფინალის საპასუხო მატჩი
"დილა” (გორი) - "ბაია” (ზუგდიდი)  5:2 (პირველი მატჩი 2:2)

გორი, 7 დეკემბერი. "ქართლი”.
"დილა”: შეყრილაძე, ბაქრაძე, ილია ლომიძე (ჭითანავა, 81), ვალტერ ხორგუაშვილი, ქარქუზაშვილი, პავლე ხორგუაშვილი, ჯოჯუა, გოგინაშვილი, დავით ჩაგელიშვილი, რაჟამაშვილი (ნემსაძე, 46), ახალკაცი (სადაღაშვილი, 74).
მთავარი მწვრთნელი: თემურ მახარაძე.
"ბაია”: ლემონჯავა, ტყემალაძე (ფარჯიკია, 46), ნიკა შონია (კონსტანტინე ახალაია, 46), გუგუჩია, სიხარულია, რიგვავა, გურამ სამუშია, ეხვაია, აფაქიძე, მგელაძე (გიორგი პაჭკორია, 18), აკობია.  
მთავარი მწვრთნელი: ელგუჯა ქომეთიანი.
გოლები: 1:0 რაჟამაშვილი (14), 2:0 ჩაგელიშვილი (21), 3:0 ახალკაცი (28), 3:1 პაჭკორია (54), 4:1 ახალკაცი (61), 5:1 პავლე ხორგუაშვილი (73), 5:2 ეხვაია (90).
მსაჯები: ო. ხეცაძე, ზ. მენთეშაშვილი, ზ. ჯვარიძე, მ. ბეუქლიშვილი.

ფრიდონ კერვალიშვილი
ნანახია: 314 | დაამატა: ბუხნიკა | რეიტინგი: 0.0/0
სულ კომენტარები: 0

ОСТАВИТЬ КОММЕНТАРИЙ

Адрес Вашей электронной почты не публикуется. Поля обязательные для заполнения отмечены *

Login *
Email *

კატეგორია

კატეგორია

ცარიელია

კატეგორია

ცარიელია

კატეგორია

ცარიელია

კატეგორია

ცარიელია

კატეგორია

კატეგორია

ცარიელია

კატეგორია

ცარიელია

კატეგორია

ცარიელია