 გუშინ, 10 დეკემბერს, გორში, სასტუმრო ”ვიქტორიაში”, ს.კ. გორის ”დილას” ხელმძღვანელობა გულშემატკივარს შეხვდა.შეხვედრა,კითხვა-პასუხის რეჟიმში, საკმაოდ საინტერესო გამოდგა.გულშემატკივარს შეეძლო მიეღო პასუხი ნებისმიერ, მათთვის საინტერესო კითხვაზე.გუნდში ბოლოდროს მომხდარ ცვლილებებზე უკვე ვწერდით, ამ სტატიით კი მინდა კიდევ უფრო მეტი ინფორმაცია მოგაწოდოთ გუნდში არსებულ მდგომარეობაზე და სამომავლო მიზნებზე.გუშინდელი შეხვედრის მიზანი, უპირველესად ფეხბურთელების და ხემძღვანელობის გულშემატკივარისთვის უკეთესად გაცნობა იყო.მსგავსი შეხვედრების დაგეგმვა-ორგანიზება საჭირო და აუცილებელია ნებისმიერი გუნდისთვის, რომელსაც მაღალი მიზნები აქვს.შეხვედრაზე ”დილას” ხელმძღვანელობა, ქომაგს ზამთარში გაძლიერებას დაპირდა.არ არის გამორიცხული გორელებმა ლეგიონერ(ებ)იც დაიმატონ, თუმცა ამაზე დაზუსტებით საუბარი ჯერ ზედმეტია.როგორც გუნდის მთავარმა მწვრთნელმა, გამოცდილმა თემურ მახარაძემ განაცხადა გუნდი საზამთროდ შეკრებას აუცილებლად გაივლის, ჯერ საქართველოში და შემდეგ უცხოეთში.შეხვედრაზე კითხვა ”დილას” ახალგაზრდა, ნიჭიერი ფეხბურთელის დავით რაჟამაშვილის გუნდიდან წასვლაზეც დაისვა.პასუხი თავად ფეხბურთელმა გაგვცა და ჩვენი ინფორმაცია დაგვიდასტურა.მან განაცხადა, რომ ”ზესტაფონთან” 3 წლიან კონტრაკტს ხელი უკვე მოაწერა და ახალი წლიდან უკვე ”მარგველების” ფეხბურთელი გახდება.შეხვედრაზევე გუნდის კაპიტანმა, გივი ქარქუზაშვილმა გულშემატკივარს მადლობა გადაუხადა თითოეულ მატჩში აქტიურად ქომაგობისთვის და კიდევ უფრო გააქტიურებისკენ მოუწოდა,რაზეც გუნდის ახლად შექმნილი ქომაგთა კლუბ ”ლომკაცებსგან”, პასუხად კიდევ უფრო გააკტიურებისა და უკეთესი გულშემატკივრობის პირობა მიიღო.საბოლოოდ უნდა ვთქვათ, რომ შეხვედრის მთავარი მიზანი შესრულდა.ფეხბურთელებმა და ქომაგებმა ერთმანეთი უკეთ გაიცნეს და როგორც გუნდის პრეს-ატაშემ, ზურა კარტოზიამ განაცხადა, მსგავსი შეხვედრების ორგანიზება სამომავლოდაც იგეგმება, ეს ყველაფერი უბრალოდ აუცილებელია უკეთესი გუნდის მშენებლობისთვის.
|
