უმაღლეს ლიგაში დაბრუნებული გორის ”დილა” წინასასეზონო მზადებას შეუდგა. გია ცეცაძემ გუნდი ”ქართლზე” შეკრიბა და პირველი ვარჯიში ჩაუტარა. 21 ივნისიდან შიდაქართლელები ორჯერად ვარჯიშზე გადადიან და უკრაინაში გამგზავრებამდე ერთ საკონტროლო მატჩს გამართავენ.
გია ცეცაძის თქმით, დასრულდა მოლაპარაკებები მცველ ოლეგ გველესიანთან და ორ შემტევთან დავით ჩაგელიშვილსა და გიორგი თოდუასთან. სამივეს აქვს უმაღლესში თამაშის გამოცდილება და გუნდს გააძლიერებენ.გველესიანი 30 წლის მარცხენა მცველია, ბევრ ძლიერ გუნდში უთამაშია(დინამო,მეტალურგი,ვიტ-ჯორჯია და სხვა), დათო ჩაგელიშვილი ბოლოს საჩხერის ''ჩიხურაში'' თამაშობდა,24 წლის ფორვარდია, ''ჩიხურამდე'' ლოკომოტივშიც იყო.გია თოდუაც ფორვარდია, 29 წლის,ბოლოს მარტვილის ''მერანში'' თამაშობდა,მანამდე მგლებში, მეტალურგში,კოლხეთში....
გორელთა თავკაცმა ”მსოფლიო სპორტს” უთხრა, დეტალები კიდევ რამდენიმე ფეხბურთელთან ზუსტდება, რომელთა ვინაობა უახლოეს მომავალში გახდება ცნობილი.
”დილას” გეგმებში 2 უცხოური შეკრებაა. შიდაქართლელები ჯერ უკრაინაში გაემგზავრებიან. ივნისის ბოლოს, ცეცაძის გუნდი სევასტოპოლის მახლობლად მდებარე კუიბიშევოში დაბინავდება და იქ ორ კვირას დაჰყოფს. გორელები საქართველოში ჩამოუსვლელად მეორე უცხოურ შეკრებაზეც 2 კვირა დარჩებიან. გორელების ახალი დისლოკაციის ადგილი სლოვაკეთის ქალაქი პოპრადი იქნება.