მთავარი » 2011 » ოქტომბერი » 21 » ეროვნული ჩემპიონატის მე–10 ტური
11:35 ეროვნული ჩემპიონატის მე–10 ტური |
22 ოქტომბერს გაიმართება საქართველოს ეროვნული საფეხბურთო ჩემპიონატის მე–10 ტურის შეხვედრები. ამ ტურში გორის დილა თავისთვის კარგად ნაცნობ და პრინციპულ მეტოქეს, გაგრის გაგრას დაუპირისპირდება. შეგახსენებთ რომ გასულ სეზონში სწორედ ამ გუნდებს შორის მიმდინარეობდა განსაკუთრებული ბრძოლა უმაღლესი ლიგის საგზურის მოპოვებისთვის. პირველი შეხვედრა გორში გაიმართა და გაგრის გამარჯვებით ანგარიშით 2 – 1 დასრულდა, ხოლო განმეორებითი შეხვედრა თბილისში ფრედ 1 – 1 დასრულდა. საბოლოოდ ორივე გუნდმა შეძლო უმაღლეს ლიგაში გადმოსვლა და ამჯერად უკვე მაღალ დონეზე მოუწევთ ერთმანეთთან დაპირისპირება. შარშანდელი ორი მატჩის ჯამში გაგრა უპირატესობსას ფლობს და იმედია დილა შურისძიებას შეძლებს. ამ გუნდების დაპირისპირება იმითაცაა მნიშვნელოვანი, რომ ცხრა ტურის შემდეგ ორივე გუნდმა ათ–ათი ქულის დაგროვება შეძლო და მე–8 მე–9 ადგილს ინაწილებენ, დილას მხოლოდ ბურთების სხვაობით აქვს უმნიშვნელო უპირატესობა. მატჩი 22 ოქტომბერს თბილისში, ისანში მდებარე სტადიონ "მერანზე" გაიმართება და 15:00 საათზე დაიწყება. ტურის სხვა წყვილები ასე გამოიყურება:
კოლხეთი (ფოთი) – სიონი (ბოლნისი)
მეტალურგი (რუსთავი) – მერანი (მარტვილი)
ბაია (ზუგდიდი) – დინამო (თბილისი)
გაგრა (გაგრა) – დილა (გორი)
ვიტ ჯორჯია – ტორპედო (ქუთაისი)
სპარტაკი (ცხინვალი) – ზესტაფონი (ზესტაფონი)
ცხინვალის სპარტაკისა და ზესტაფონის შეხვედრა 18:00 საათზეა, სხვა ყველა მატჩი კი 15:00 საათზე.
|
|
ნანახია: 746 |
დაამატა: ქოთოლა
| რეიტინგი: 5.0/2 |
|
|
|
