2011 წლის 4 დეკემბერს გაიმართება საქართველოს ეროვნული საფეხბურთო ჩემპიონატის მე–16 ტურის მატჩები. ამ ტურში გორის დილა თბილისს ესტუმრება და ადგილობრივ დინამოსთან გაარკვევს ურთიერთობას. გუნდები მიმდინარე სეზონზე უკვე სამჯერ შეხვდნენ ერთმანეთს. პირველი შეხვედრა გორში, თენგიზ ბურჯანაძის სახელობის სტადიონზე გაიმართა და ბოლო წამზე გატანილი ბურთის წყალობით თბილისის დინამოს გამარჯვებით, ანგარიშით 1–2 დამთავრდა. შემდეგი შეხვედრა დავით ყიფიანის სახელობის საქართველოს საფეხბურთო თასზე შედგა ეროვნული ნაკრების ტექნიკურ ცენტრ "ბასა"–ს მინდორზე, სადაც დინამო მასპინძლად ითვლებოდა და ფრედ, ანგარიშით 2–2 დასრულდა. განმეორებითი შეხვედრა კი გორში, ქართლის სტადიონზე გაიმართა და კვლავ ფრედ, 0–0 დასრულდა, რის შედეგადაც ორი მატჩის ჯამში, სტუმრად გატანილი ბურთების წყალობით 1/4 ფინალში დილა გავიდა, დინამო კი თასის გათამაშების მიღმა დარჩა. ასე რომ დინამო შემდეგ თამაშზე ყველანაირად შეეცდება რევანშის აღებას, თუმცა იმედი გვაქვს ჩვენი ბიჭები ამის საშუალებას არ მისცემენ და პირიქით, საქართველოს ყველაზე ტიტულოვან გუნდს საკუთარ მოედანზე დაამარცხებენ. შეხვედრა ბორის პაიჭაძის სახელობის ეროვნულ სტადიონზე გაიმართება და საღამოს 6 საათზე დაიწყება და საზოგადოებრივი მაუწყებლის პირველი არხის მიერ პირდაპირ ეთერში გადაიცემა. ასე რომ ვინც სტადიონზე მოსვლას ვერ შეძლებთ შეგიძლიათ ტელე ეკრანთან უგულშემატკივროთ ჩვენს საყვარელ გუნდს. ტურის ყველა სხვა მატჩი 14:00 საათზე გაიმართება:
