2003-04 წლებში, ს.კ. გორის ''დილა'' გავიდა საქართველოს დავით ყიფიანის სახელობის თასის ნახევარფინალში. ამის შედეგად მოიპოვა უფლება ეთამაშა 2004 წლის ინტერტოტოს თასზე.ეს გორელების ერთადერთი მოღვაწეობა იყო ''უეფას'' მიერ ორგანიზებულ ტურნირებში...შეგახსენებთ, რომ ეს თასი 1961 წლიდან ტარდებოდა, 1995 წლიდან ამ ტურნირს ''უეფა'' ატარებდა და მონაწილე გუნდების რაოდენობა 50-ს შეადგენდა.2008 წელს ტურნირი გაუქმდა და მისი ბოლო გამარჯვებული პორტუგალიური ''ბრაგა'' გახლავთ... ''უეფას ინტერტოტოს თასზე'' პირველ რაუნდში ჩვენი გუნდის მეტოქე, ბულგარეთის ''მარეკი'' იყო. პირველი მატჩი 2004 წლის 20 ივნისს ''ბონჩუკის'' სტადიონზე გაიმართა ბულგარეთში.ეს მატჩი ანგარიშით 0:0 დასრულდა და თითქოს განმეორებითი თამაშის წინ, გასვლაზე ნათამაშები ფრე საკმაო უპირატესობა უნდა ყოფილიყო.მიუხედავად ამისა 27 ივნისს ჩატარებული თამაში სულ სხვანაირად წარიმართა, მოედანზე ორივე გუნდი მოსაგებად გამოვიდა.პირველი ტაიმი გორელმა ფეხბურთელებმა 0:1 წააგეს და ვერც მეორე ტაიმში ვერ მოახერხეს გოლის გატანა, უფრო მეტიც თავად გაუშვეს და ეს მატჩი ანგარიშით 0:2 წავაგეთ.შემდეგ ეტაპზე გასული ''მარეკის'' მეტოქე, ბელგიური გენკი იყო.ბულგარელმა ფეხბურთელებმა ბელგიური ბარიერის დაძლევა ვეღარ მოახერხეს და ორი მატჩის ჯამში 5:1დამარცხდნენ.