მთავარი » 2011 » დეკემბერი » 12 » დილა 3:0 მერანი
|
თემურ მახარაძის გორელთა მთავარ მწვრთნელად მოსვლის შემდეგ ”დილამ” ჩემპიონატზე პირველი გოლები გაიტანა და პირველი ქულები მიითვალა. მასპინძლებმა იღბლიანად დაიწყეს - დაახლოებით ისე, როგორც ”ბაიასთან” სათასო პაექრობა. ანგარიში უკვე მე-7 წუთზე იყო მათ სასარგებლოდ (თავი გივი ქარქუზაშვილმა გამოიჩინა) - 1:0.
ტაიმის დამთავრებამდე შიდაქართლელებმა (დავით ჩაგელიშვილი) კიდევ ერთხელ შეძლეს გოლის გატანა და შესვენებაზე 2-ბურთიანი ჰანდიკაპით გავიდნენ. შესვენების შემდეგ სტუმრებმა ოდნავ გამოასწორეს თამაში, მაგრამ მთლიანობაში მატჩის სადავეებს კვლავ ”დილა” ფლობდა. გორელებმა, საბოლოოდ საკუთარი კარის ხელშეუხებლად შენარჩუნება შეძლეს, ორთაბრძოლის მიწურულს კი თავიანთი უპირატესობა კიდევ უფრო თვალსაჩინო გახადეს - მინდორზე რამდენიმე წამის შესულმა გია თოდუამ, ბურთზე პირველივე შეხება გოლად აქცია - 3:0.
გორელებმა მეტად დამაიმედებელი გამარჯვება მოიპოვეს. მახარაძის გაწვრთნილებს სამიოდე დღეში ისევ შინ უწევთ თამაში. ამჯერად მათი მეტოქე ფოთის ”კოლხეთი” იქნება - გუნდი, რომელიც უმაღლეს ლიგაში დასარჩენ პაექრობაში, შიდაქართლელთა ერთ-ერთი კონკურენტია.
”დილა” (გორი) - ”მერანი” (მარტვილი) 3:0 (2:0)
11 დეკემბერი. გორი, ”ქართლი”.
”დილა”: შეყრილაძე, ოლეგ გველესიანი, ბაქრაძე, ქარქუზაშვილი, ვალტერ ხორგუაშვილი, ჯოჯუა, პავლე ხორგუაშვილი, გოგინაშვილი (ნემსაძე, 86), ახალკაცი (ნოდარ ნოზაძე, 88), რაჟამაშვილი, დავით ჩაგელიშვილი (გია თოდუა, 86).
მთავარი მწვრთნელი: თემურ მახარაძე.
”მერანი”: ჯონი შეროზია, კაკუშაძე, იობაშვილი, თორნიკე შალიკაშვილი, მელიავა (ქამუშაძე, 82), მემარნიშვილი (იატროპ ჯოელ სტეფანი, 46), მანწკავა, წოწორია, სამადაშვილი, ჩალაძე (ტორაძე, 66), ამბროლაძე.
მთავარი მწვრთნელი: მალხაზ ჟვანია.
გოლები: 1:0 ქარქუზაშვილი (7), 2:0 ჩაგელიშვილი (45), 3:0 თოდუა (87).
გაფრთხილებები: ახალკაცი (42) - შალიკაშვილი (11), იობაშვილი (70).
მსაჯები: მ. ბეუქლიშვილი; ზ. ფიფია, ს. სპიცინი; ი. ურუშაძე.
|
|
ნანახია: 800 |
დაამატა: ბუხნიკა
| რეიტინგი: 5.0/1 |
|
|
|
