ხვალ, 18 დეკემბერს გაიმართება საქართველოს ეროვნული საფეხბურთო ჩემპიონატის მორიგი, მე–18 ტურის მატჩები. აღსანიშნავია, რომ ეს ტური 2011 წელს ბოლო იქნება და მის შემდეგ ზამთრის შესვენება გამოცხადდება. ამ ტურში გორის დილა ბოლნისს ესტუმრება და ადგილობრივი სიონის დამარცხებას შეეცდება. ჩვენს მეტოქეს ამჟამად 7 ქულა აქვს და ცხრილის ბოლო საფეხურზე იმყოფება. გორის დილა კი 15 ქულით მე–10 ადგილზეა. მატჩი 14:00 საათზე ბოლნისის თამაზ სტეფანიას სახელობის ცენტრალურ სტადიონზე გაიმართება. ეს თამაში ერთ–ერთი გადამწყვეტი იქნება ჩვენი გუნდისთვის, რადგან ამ მატჩის შედეგზე ბევრია რამეა დამოკიდებული. საუკეთესო 8 გუნდში შესვლისთვის ეს მატჩი შეიძლება გადამწყვეტიც აღმოჩნდეს.
მე–18 ტურის მატჩები
კოლხეთი (ფოთი) – სპარტაკი (ცხინვალი)
გაგრა (გაგრა) – ვიტ ჯორჯია
ბაია (ზუგდიდი) – ტორპედო (ქუთაისი)
მეტალურგი (რუსთავი) – ზესტაფონი (ზესტაფონი)
სიონი (ბოლნისი) – დილა (გორი)
მერანი (მარტვილი) – დინამო (თბილისი)
ყველა მატჩი 14:00 საათზე დაიწყება...
| 
