26 ოქტომბერს,გორში ''ქართლის სტადიონზე'' , გორის ''დილამ'' ცხინვალის სპარტაკს უმასპინძლა.გორელები უკვე ზედიზედ მეოთხედ დამარცხდნენ.უნდა ითქვას, რომ ჩვენი ბიჭები მთელი თამაშის გამვალობაში უტევდნენ, თუმცა გოლებს კვლავ ვერ იტანდნენ. მოედანზე, წესიერ პასაც ვერ გააკეთებდი...უამინდობის გამო, საფარი საშინელ მდგომარეობაში იყო, თუმცა რათქმაუნდა ეს გასამართლებელი საბუთი არ არი, ვინაიდან ცხინვალელებსაც იგივე პირობებში უწევდათ თამაში, მაგრამ როგორც ჩანს ''წყალბურთი'' მათ უკეთ გამოსდით, ვიდრე ჩვენ.
გორელმა ფეხბურთელებმა, პირველი წუთებიდანვე აქტიურად შეუტიეს, თუმცა კონტრშეტევებზე მოთამაშე ''სპარტაკმა'' ''დილას'', პირველ ტაიმში სწორი დალაგებული ფეხბურთით აჯობა და დამსახურებულადაც მოიგო.პირველი გოლი 25–ე წუთზე,რეზო ჯიქიამ გაიტანა, რომელმაც ძალიან კარგი რეიდი წამოიწყო და მომენტი ლოგიკურ დასასრულამდე მიიყვანა, 0–1.გატანილი გოლის შემდეგ, სპარტაკი არ მოეშვა, პირიქით უფრო მეტად შეუტია და 38–ე წუთზე თიბილაშვილმა მარჯვენა ფლანგიდან წამოიწყო შეტევა და კარშიც დაარტყა, მერლანმა უხერხულად მოიგერია,დამატებაზე მეტრეველის დარტყმა კი ზუსტი იყო,0–2.უმოქმედოთ არც ''დილას'' ფეხბურთელები ყოფილან, გაშვებული გოლების შემდეგ, ერთი გოლის გაქვითვის საკმაოდ კარგი შანსი ქონდა დავით ჩაგელიშვილს. მარჯვენა ფლანგიდან ჩაწოდებული ბურთი მცველებს გადაახტა და ჩაგელიშვილს მიუვიდა, თუმცა ერთი–ერთზე დარჩენილმა, ვერ გაიტანა. საბოლოოდ კი გორლებმა ფეხბურთელებმა ერთადერთი გოლი 62 წუთზე გაიტანეს.ფლანგიდან გოგინაშვილმა ჩამოაწოდა, ცხინვალელთა საჯარიმოში არეულობის შემდეგ კი ბურთი ერ–ერთ ''სპარტაკის'' ფეხბურთელს მოხვდა და გოლი გავიდა,1–2.ცოტა ხნის შემდეგ ისევ გოგინაშვილი ურტყავდა,საჯარიმოს მისადგომებიდან როცა მისი დარტყმულზე მეკარემ ითამაშა კარგად.აღსანიშნავია ''ცხინვალელი'' მაისურაძის უხეში თამაში, მან ჯერ 67 წუთზე, მიიღო ყვითელი ბარათი, შემდეგ კი, 87–ზე წითელიც დაიმსახურა.80 წუთზე მოედანზე ერთი საინტერესო ინციდენტი მოხდა, როცა რაჟამაშვილს მეტოქე გუნდის ფეხბურთელებთან მოუვიდა მცირე შელაპარაკება, თუმცა მომენტი ფიზიკურ შეურაწყოფაში არ გადაზრდილა და მსაჯმა მხოლოდ ყვითელი ბარათები აჩვენა, რაჟამაშვილს,მამუჩიშვილს და ხუბუას.
ყველაზე საინტერესო მომენტი კი თამაშის მიწურულს მოხდა, საჯარიმოში შესული რომან ახალკაცი, ''სპარტაკის'' მცველებმა წააქციეს, მსაჯმა კი აშკარა თერთმეტმეტიანი არ დანიშნა.
საბოლოოდ კი ყველაფერი, იმით დასრულდა, რომ ჩვენმა გუნდმა, უკვე ზედიზედ მეოთხე შეხვედრა წააგო.''დილა'' მომდევნო მატჩში 30 ოქტომბერს, საკუთარ მოედანზე ''ვიტ–ჯორჯიას'' უმასპინძლებს.
”დილა”: მერლანი, ბაქრაძე, ქარქუზაშვილი, ლევან ჩაგელიშვილი, შათირიშვილი, ჯოჯუა (ახალკაცი, 50), ვალტერ ხორგუაშვილი (ნემსაძე, 46), ნოდარ ნოზაძე (ირაკლი ბერაია, 76), გოგინაშვილი, რაჟამაშვილი, დავით ჩაგელიშვილი.
მთავარი მწვრთნელი: გია ცეცაძე.
”სპარტაკი”: ძაგანია, თიბილაშვილი, ტეტუნაშვილი, ლომაია, ხუბუა, შალამბერიძე, თეიმურაზ შონია, მამუჩიშვილი, შარაშენიძე (ნიკოლოზ მაისურაძე, 59), რევაზ ჯიქია (დავით გელაშვილი, 90), მეტრეველი.
მთავარი მწვრთნელი: ვლადიმერ ხაჩიძე.
გოლები: 0:1 ჯიქია (25), 0:2 მეტრეველი (38), 1:2 გოგინაშვილი (62).
გაფრთხილებები: ქარქუზაშვილი (37), ნემსაძე (64), მაისურაძე (65, 87), შონია (70), რაჟამაშვილი (80), ხუბუა (80), მამუჩიშვილი (80).
გაძევება: მაისურაძე (87).
მსაჯები: თ. გვანცელაძე; ზ. ჯვარიძე, ზ. ერქვანია; მ. ბეუქლიშვილი.
|
